Nafarroako Gobernuak bertan behera utzi du itzalaldia dela eta ezarritako larrialdi-egoera

Argindarraren % 100 berrezarri dela baieztatu ondoren hartu du erabakia Nafarroako Larrialdietako Aholku Batzordeak.

Iruñeko saltoki bat, pasa den astehelehean, itxita, itzalaldiagatik. Argazkia: EFE

AGENTZIAK | EITB Media

publikatuta: 2025/04/30 10:37 (UTC+2)

azken eguneratzea: 2025/04/30 13:07 (UTC+2)

Asteleheneko itzalaldiaren ondotik Nafarroan ezarritako larrialdi-egoera bertan behera gelditu da. Horixe erabaki du Amparo Lopez Barne, Funtzio Publiko eta Justizia kontseilaria buru duen Nafarroako Larrialdietako Aholku Batzordeak.

Argindarraren % 100 eta telefono horniduraren % 98 berrezarri dela egiaztatu ondoren hartu du erabakia Larrialdietako Aholku Batzordeak, SOS Nafarroa larrialdi-zerbitzuak jakinarazi duenez.

Itzalaldiaren ostean, larrialdi-egoeraren bigarren maila onartu zuen Nafarroako Gobernuak, eta asteartean lehen mailara jaitsi zuen.

Hala ere, krisi kabinetearen arreta handiena izan duten egoerak monitorizatzen jarraituko du Nafarroako Gobernuak.

Halaber, atzo, foru gobernuak iragarri zuen pasa den astelehena eta asteartea baliogabeak izango direla administrazio mailan.

Hau zure interesekoa bada, baliteke beste gai hauek ere izatea

Politika Nafarroa Eguneko albisteak Albisteak Nafarroako Gobernua Elektrizitatea María Chivite

Nafarroako Gobernuak bertan behera utzi du itzalaldia dela eta ezarritako larrialdi-egoera

Esteka kopiatuta