Txirrindularitza
Espainiako Vuelta
Marianne Vos herbeheretarrak beste garaipen bat lortu du 6. etapan, eta Volleringek lider jarraitzen du
EITB Media
Usoa Ostolaza (Laboral Kutxa), bere aldetik, 10 onenen artean sailkatu da berriro, 9. postuan helmugaratu baita.
-
Marianne Vos eta Mischa Bredeworld. Argazkia: Unipublic / Naike Ereñozaga
Marianne Vos (Visma) herbeheretarrak beste garaipen bat lortu du emakumezkoen Espainiako Vueltan, Mischa Bredeworld (Worx-Protime) herrikidea esprintean menderatuta 6. etapan, Becerril de Campos eta Baltanas (Palentzia) artean 126,7 kilometroko ibilbidearekin lehiatu den azken-aurrekoan.
Azken hiru urteotan 6. garaipena lortu du larunbat honetan Cotobello mendatean (Asturias) amaituko den Vueltan.
Bestalde, Usoa Ostolaza (Laboral Kutxa) 10 onenen artean sailkatu da berriro, 9. postuan helmugaratu baita.
Demi Vollering (FDJ-Suez) liderrak 45 segundora du Ana van der Breggen (Work-Protime) herrikidea, eta 46ra Marlen Reusser (Movistar) suitzarra. Ostolaza 8. postuan dago sailkapen nagusian, 2 minutu eta 26 segundora.
Jardunaldiak beste ihesaldi bat izan du, 19 txirrindularik osatutakoa, eta aurkari arriskutsuak zeuden horien artean, sailkapen nagusian garaipena lortzeko hautagaiei aurre egiteko modukoak. Hori dela eta, ihesaldiak 35 kilometro iraun du.
Ez da lasaitasunik iritsi tropelera. Hirukote batek alde egin du berriro, eta minutu batetik gorako aldea izan du, baina Visma taldeak Vosekin beste garaipen bat lortzeko egindako lanak bertan behera utzi ditu saiakera hori eta Liane Lipperten (Movistar) beste saiakera bat.
6. ETAPAKO SAILKAPENA
1.- VOS Marianne (Visma) 3:00:09
2.- BREDEWOLD Mischa (SD Worx) d. b.
3.- WOLLASTON Ally (FDJ-SUEZ) d. b.
4.- GILLESPIE Lara (UAE) d. b.
5.- STEIGENGA Nicole (AG Insurance) d. b.
6.- SKALNIAK-SOJKA Agnieszka (CANYON) d. b.
7.- FERGUSON Cat (Movistar) d. b.
8.- JASTRAB Megan (Picnic) d. b.
9.- OSTOLAZA Usoa (Laboral Kutxa) d. b.
10.- WOLFF Imogen (Visma) d. b.
SAILKAPEN NAGUSIA
1.- VOLLERING Demi (FDJ) 15:18:08
2.- VAN DER BREGGEN Anna (SD Worx) +0:45
3.- REUSSER Marlen (Movistar) +0:46
4.- KERBAOL Cedrine (EF Education) +1:49
5.- MARKUS Riejanne (Lidl) +2:05
6.- LABOUS Juliette (FDJ) +2:09
7.- FISHER-BLACK Niamh (Lidl) +2:19
8.- OSTOLAZA Usoa (Laboral Kutxa) +2:26
9.- TRINCA COLONEL Monica (Liv) +2:35
10.- KASTELIJN Yara (Fenix) +2:57
